მთავარი » 2018 » ივლისი » 15 » პრობლემები და ცუდი განწყობა სიცოცხლეს ახანგრძლივებს - მეცნიერების სკანდალური დასკვნა
რეკლამა
6:48 PM
პრობლემები და ცუდი განწყობა სიცოცხლეს ახანგრძლივებს - მეცნიერების სკანდალური დასკვნა

ადამიანები, რომლებსაც მძიმე სამუშაო და ბევრი პრობლემა აქვთ, ღრმა სიბერემდე ცოცხლობენ, - ასეთ სკანდალურ დასკვნამდე მივიდნენ კალიფორნიაში რივერსაიდის უნივერსიტეტის მკვლევარები.

 

ამერიკელი ფსიქოლოგები ეყრდნობიან ფსიქოლოგიის დოქტორ ლუის ტერმანის მიერ თითქმის საუკუნის წინათ დაწყებული სოციოლოგიური ექსპერიმენტის „Longevity Project“-ის მონაცემებს. 
ექსპერიმენტში მონაწილეობდა 1500 ადამიანი, რომლებსაც 1921 წლისთვის 10 წელი შეუსრულდათ. 
ექსპერიმენტის მიზანი იყო, დაედგინა ინდივიდის ემოციური მდგომარეობის გავლენა მისი სიცოცხლის ხანგრძლივობაზე. მეცნიერმა საკუთარ ექსპერიმენტში მონაწილე ადამიანების განცდების, მათ მიერ ოჯახური თუ სამსახურებრივი ურთიერთობების შესახებ ნაამბობზე დაყრდნობით ფსიქოლოგიური პორტრეტები შეადგინა, რომლებსაც ყოველ ათწლეულში დამატებითი ინფორმაციით ავსებდა. 

90-იანი წლების დასაწყისში ტერმანის მოსწავლეებმა ცნობილი ფსიქოლოგის არქივების მიხედვით, ექსპერიმენტის დასრულება გადაწყვიტეს. 
დოკუმენტებში ინახებოდა მონაცემები სკოლასა და უნივერსიტეტში სწავლის, სამხედრო სამსახურისა და სამუშაო ადგილების შესახებ. ამ დროისთვის ფსიქოლოგებმა მონაცემების მონიტორინგი და სისტემატიზაცია დაასრულეს. 

90 წლის მანძილზე დაგროვილი ინფორმაციის საფუძვლიანი ანალიზით მოულოდნელი შედეგი დაიდო: დღეგრძელობის საიდუმლო პესიმიზმში იმალება. 

აღმოჩნდა, რომ ექსპერიმენტის მონაწილეები, რომლებიც მის დასრულებამდე დიდი ხნით ადრე გარდაიცვალნენ, განსაკუთრებული იუმორითა და ოპტიმიზმით გამოირჩეოდნენ. 
„ექსპერიმენტში მონაწილე ადამიანებიდან ხანდაზმულობამდე ძირითადად, ბუზღუნა, პესიმისტმა და სკეპტიკოსმა ადამიანებმა მიაღწიეს. 

საქმე ის გახლავთ, რომ ოპტიმისტური განწყობა ზოგჯერ გადაჭარბებულ თავდაჯერებულობაში გადადის. შედეგად, ადამიანები კეთილგონიერებას კარგავენ: ალკოჰოლს ჭარბად მოიხმარენ, ეწევიან და ჯანსაღი კვებისა და ფიზიკური აქტივობების შესახებ ივიწყებენ“, - ამბობს The Daily Mail-თან ინტერვიუში „Longevity Project“-ის წამყვანი სპეციალისტი პოლ ფრიდმანი. 

დაუჯერებლად ჟღერს, მაგრამ დადებითი ემოციური ფონი, უამრავი მეგობარი და შინაური ცხოველები უდარდელი ოპტიმისტების სიცოცხლეს არ ახანგრძლივებს. კალიფორნიელი მკვლევარების აზრით, დღეგრძელობას სიამოვნებებზე უარის თქმა, მძიმე შრომა და პენსიაზე გვიან გასვლა განაპირობებს. 
„ფაქტია, რომ ექსპერიმენტის ყველაზე ოპტიმისტმა და მხიარულმა მონაწილეებმა ბუზღუნა პესიმისტებზე ნაკლები იცოცხლეს“, - ამბობს ფრიდმანის ერთ-ერთი კოლეგა. 

რა თქმა უნდა, ასეთი დასკვნა არ ნიშნავს სიცოცხლის გახანგრძლივების მიზნით, ოპტიმისტურ განწყობაზე მთლიანად უარის თქმას. პირიქით, მეცნიერების აზრით, მხოლოდ დროული და საფუძვლიანი ოპტიმიზმი ეხმარება ადამიანებს კრიზისის დაძლევასა და პრობლემების მოგვარებაში.

 

წყარო

ნანახია: 154 | დაამატა: Admin | ტეგები: პრობლემები და ცუდი განწყობა სიცოცხლ | რეიტინგი: 5.0/1 რეკლამა
სულ კომენტარები: 0
avatar
close